სერჯიო მენდესმა, რომლის სიმღერა „Real in Rio" ანიმაციური ფილმიდან „რიო" ოსკარზეა ნომინირებული, განაცხადა, რომ შემქმნელები მულტფილმის გაგრძელების გადაღებას გეგმავენ. „სტუდია Fox–ი უკვე საუბრობდა შესაძლო სიკველზე და სავარაუდოდ მას გადაიღებენ კიდეც. ვფიქრობ, რომ შემდეგ კვირას კარლოსთან (რეჟისორი კარლოს სალდანა) გვექნება შეხვედრა, მას რამდენიმე იდეა აქვს გაგრძელებასთან დაკავშირებით"– თქვა მენდესმა The Press Association–თან ინტერვიუში.